NG Delareyville is 'n klein plattelandse gemeente binne in 'n boerdery gemeenskap in die Noordwes.

​

Ons gemeente is gestig op 20 September 1912 in 'n tyd toe Delareyville nog bekend gestaan het as "Salt Waters".

​

In 1914 is die regering versoek om die dorp te vernoem na Generaal De la Rey en die dorp naam het verander Delareyville. Die gemeente se eerste eredienste was in 'n sinkgeboutjie, wat later vervang is met die kerksaal. Alhoewel die gemeente al in 1917 besluit het om 'n kerkgebou op te rig, het dit egter lank geneem voordat die kerkgebou ingehuldig is. Die gemeente was baie trots daarop dat die kerkgebou sonder skuld ingehuldig kon word op 3 Mei 1936. Die argitek van die kerkgebou was die bekende Gerhard Moerdyk. Die kerkgebou is ook intussen verklaar tot 'n nasionale gedenkwaardigheid.

​

Tans bestaan die gemeente uit 343 belydende lidmate en 102 dooplidmate.

​

​